Moliq kredit yuklamasi va indeksni toʻgʻridan-toʻgʻri brauzerda hisoblaydi. Serverga telefon raqami va parol (xesh koʻrinishida, kirish uchun) hamda anonim tashriflar statistikasi boradi.
Nima, qayerda va qancha saqlanadi
| Maʼlumotlar | Qayerda | Qancha | Kimga beriladi |
|---|---|---|---|
| Daromad, xarajat, kreditlar, anketa javoblari, hisoblar tarixi | Faqat shu qurilmadagi brauzeringizda (localStorage) | Oʻzingiz oʻchirmaguningizcha | Hech kimga — Moliq serveriga yuborilmaydi |
| Telefon raqami, parol xeshi (scrypt), roʻyxatdan oʻtish va kirish sanalari | Moliq maʼlumotlar bazasi (Supabase, Avstraliya) | Hisob mavjud ekan | Supabase — qayta ishlash shartnomasi boʻyicha saqlash |
| Raqamni tasdiqlash kodlari (xesh koʻrinishida) | Moliq maʼlumotlar bazasi | Bir kundan koʻp emas | — |
| AI yordamchiga savollar | Javob uchun Moliq AI ga (Hugging Face) yuboriladi; Moliq ularni saqlamaydi | Moliq saqlamaydi; Hugging Face — oʻz qoidalari boʻyicha | Hugging Face. Telefonlar, karta va pasport raqamlari, JShShIR va e-mail yuborishdan oldin olib tashlanadi |
| Tashriflar statistikasi: qaysi sahifalar ochilgan va nima bosilgan, oʻtish manbasi, mamlakat va shahar, qurilma va brauzer turi | Moliq bazasi; brauzerda faqat siz bilan bogʻlanmagan tasodifiy id (localStorage) va varaq id si (sessionStorage). Cookiesiz. IP-manzil saqlanmaydi | 13 oygacha | Hech kimga. Brauzerda «Do Not Track» yoki Global Privacy Control yoqilgan boʻlsa, yigʻilmaydi; summa, daromad va savol matnlari yozilmaydi |
| Joylashuv | Faqat brauzerda, «Yonimda» ni bosganingizda | Saqlanmaydi | Hech kimga |
| Texnik maʼlumotlar (IP-manzil, brauzer) | Vercel xostingi va OpenFreeMap xarita serveri — har bir soʻrovda | Shu xizmatlar qoidalari boʻyicha | Vercel (AQSh), OpenFreeMap |
Moliq nima qilmaydi
- Maʼlumotlaringizni banklar va reklama beruvchilarga sotmaydi va bermaydi.
- Reklama trekerlari va uchinchi tomon hisoblagichlarini qoʻymaydi — faqat oʻz anonim tashriflar statistikasi.
- Pasport, karta raqami va SMS kodlarni soʻramaydi — ularni hech kimga aytmang.
- Moliq indeksini byuroning rasmiy kredit balli sifatida koʻrsatmaydi.
Maʼlumotlarni qanday oʻchirish
- Qurilmadagi maʼlumotlar (va statistika id si) — istalgan sahifa pastidagi «Maʼlumotlarimni oʻchirish» havolasi yoki profildagi tugma.
- Hisob va raqam — profildagi «Hisobni oʻchirish»: yozuv bazadan darhol va butunlay oʻchiriladi.
Bank shartlari — MB moliyaviy xizmatlar portali (bankxizmatlari.uz) va bank saytlaridan; hisob-kitoblar — Moliq bahosi, kredit boʻyicha qarorni bank qabul qiladi. Yangilangan: 26.10.2026.